Bab Mahkemesi 150 Numaralı Sicil (H. 1143-1144 / M. 1730-1732) cilt: 65, sayfa: 498 Hüküm no: 594 Orijinal metin no: [118b-6] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Fâik Paşa Vakfı’nın nezaret cihetinin Hadice Hatun’a tevcihi talebi Ma‘rûz. Sâhibe-i arzuhâl Hadice Hatun merhûm Fâik Paşa evlâd-ı evlâd-ı evlâdından olup yedinde olan vakfiye ma‘mûlün-bihâsı nâtıka olduğu üzere zikrolunan nezâret hakk-ı meşrûtası iken reis-i sâbık kîsedârı gāib ani’l-meclis Mehmed b. Salih bir tarîk ile hilâf-ı şart-ı vâkıf üzerine berât ettirip gadrettiği Mahallesi’ ahâlîsinden Çorbacı Mustafa Ağa ve Hasan Efendi ve İmâm Ali Efendi ve Mustafa Çelebi ve Halil Çelebi ve İbrahim Çelebi nâm kimesneler ihbâr etmeleriyle nezâret-i mezkûre ber-mûceb-i şart-ı vâkıf mezbûre Hadice Hatun’a tevcîh ve ihsân buyrulmak bâbında emr-i âlî iltimâs eyledikleri huzûr-ı âlîlerine i‘lâm olundu. Fî 19 Ca 1143.