Bab Mahkemesi 150 Numaralı Sicil (H. 1143-1144 / M. 1730-1732) cilt: 65, sayfa: 504 Hüküm no: 610 Orijinal metin no: [120a-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Mehmed’in açtığı davanın meşru olmadığı Ma‘rûz. Mumcu Ali Beşe mübâşeretiyle ihzâr-ı şer‘ olunan neccâr tâifesinden Agop ve Haçador ve Simaven ve Kigorak nâm zimmîlerden hasmı Mehmed meclis-i şer‘de târih-i i‘lâmdan altı gün mukaddem Veled-i Karabaş Mahallesi’nde vâki‘ kendi mülk menzilimi mezbûrûn ta‘mîr ve meremmet eder iken menzil-i mezbûrun duvarı içinde bir tahta pâresi zuhûr etmekle gālibâ içinde nesne olmak üzere taleb ederim deyü tasaddî eylediği da‘vâsı meşrû‘a olmayıp mezbûrûna suâl dahi teveccüh etmediği ecilden mezbûr Mehmed bî-vech mu‘ârazadan men‘ olunmuşdur. Bâkī fermân men-lehü’l-emrindir. Fî 5 Cumâdelâhire sene [1]143.