Bab Mahkemesi 150 Numaralı Sicil (H. 1143-1144 / M. 1730-1732) cilt: 65, sayfa: 504 Hüküm no: 611 Orijinal metin no: [120a-5] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Taşçı Şirin Vakfı’na ait evin boşaltılması tenbihi Ma‘rûz. Kapıkethüdâsı Mehmed Beşe mübâşeretiyle Bâb Mahkemesi’ne ihzâr olunan Ahmed’den Taşçı Şirin Vakfı mütevellîsi Ömer Efendi meclis-i şer‘de vakf-ı mezbûrdan bi’l-icâreteyn bir bâb menzile mutasarrıf olan Yağlıkçı İsmail vefât edip menzil-i mezkûr sulbî oğlu Ahmed ile kız karındaşları Hanife ve Ümmügülsüm nâm sagīrelere intikāl ettikden sonra mezbûre Ümmügülsüm bilâ-veled vefât edip menzil-i mezkûrdan sülüs hissesi cânib-i vakfa âid olmağla bi’t-tevliye âhara îcâr murâd eylediğimde mezbûr Ahmed bi-gayr-ı hakkın zabt ve tasarruf etmekle sülüs-i mezkûrdan kasr-ı yedine tenbîh olunması matlûbumdur deyü bi’t-tevliye da‘vâ ve mezbûr Ahmed ikrâr u i‘tirâf etmeğin mûcebince tenbîh olunduğu huzûr-ı âlîlerine i‘lâm olundu. Fî 5 Cumâdelâhire sene [1]143.