.:: İstanbul Kadı Sicilleri ::.


Ahi Çelebi Mahkemesi 1 Numaralı Sicil (H. 1063-1064 / M. 1652-1653)
cilt: 49, sayfa: 264
Hüküm no: 371
Orijinal metin no: [54b-2]
Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır.


İlya v. İsrail’in cariyesini kitâbet yoluyla azat ettiği

Mahmiye-i İstanbul’da Hatan cemâ‘atinden İlya v. İsrail nâm Yahûdi mahfil-i kazâda câriye-i memlûkesi olup rıkkına mu‘terife olan gök gözlü, açık kaşlı, sarışın, ağzının sağ cânibinde eser-i cerâhati olan Rusiyyetü’l-asl râfi‘atü hâze’l-kitâb Lukriye bt. Oran nâm [câriye] mahzarında ikrâr-ı tâm ve takrîr-i kelâm edip mevsûf-ı mezbûre Lukriye’yi bana yüz kırk kıt‘a riyâlî guruş vermek üzere kitâbete kesip meblağ-ı mezbûrun elli guruşunu yedinden ahz u kabz edip hâlâ üzerinde doksan guruş bâkī kalmışdır, ba‘de’l-yevm meblağ-ı bâkī doksan guruşu dahi bana edâ eyledikde sâir harâir-i asliyyât gibi hürre olsun dedikde mukırr-ı mezbûr İlya’yı ikrâr-ı meşrûhunda mevsûfe-i mezbûre Lukriye vicâhen tasdîk ve vech-i muharrer üzere olan kitâbeti kabûl edip hâlâ üzerinde bedel-i kitâbetden doksan guruş bâkī kaldığını şifâhen tahkīk etmeğin mâ-hüve’l-vâki‘ gıbbe’t-taleb ketb ü sebt olundu.

Fi’l-yevmi’s-sâlis min-şehri Recebi’l-mürecceb li-sene erba‘a ve sittin ve elf.

Şuhûdü’l-hâl: Mustafa Beşe b. Abdüllatif, Hüseyin Çelebi b. Hüseyin, Süleyman Çavuş b. Abdullah, Mehmed b. Abdullah, Antaş v. Yorgi, Nikola v. Dimitri ve gayruhum.