Bab Mahkemesi 150 Numaralı Sicil (H. 1143-1144 / M. 1730-1732) cilt: 65, sayfa: 507 Hüküm no: 617 Orijinal metin no: [120b-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Kirkor’un tasarrufunda olan arsanın daha önce Müslümana ait olduğunun tespiti Ma‘rûz. Derûn-ı arzuhâlde mezkûr İstanbul’da Çobançavuş Mahallesi’nde vâki‘ Kirkor nâm zimmînin bi’l-icâreteyn taht-ı tasarrufunda olan ma‘lûmü’l-hudûd arsa-yı hâliyenin kadîmîsini suâl için bi’l-iltimâs kıbel-i şer‘den irsâl olunan es-Seyyid Ahmed Efendi arsa-yı mezbûrenin üzerine varıp mahalle-i mezbûre imâmı es-Seyyid Osman Efendi ve müezzini es-Seyyid Süleyman Halîfe ile ahâlî-i mahalle-i mezbûreden on beş nefer müseccelü’l-esâmî bî-garaz kimesneler mezbûr Kirkor zimmî muvâcehesinde arsa-yı mezkûrenin tarafeyni Müslimîn menzilleri olup harîk-ı kebîre gelince menzil-i mezbûr dahi Müslim menzili iken ba‘de’l-harîk arsa sırfa kalmışdır deyü her biri alâ-tarîkı’ş-şehâde haber verdiklerini mevlânâ-yı mezbûr mahallinde ketb ü tahrîr ve ma‘an ba‘s olunan ümenâ-i şer‘le meclis-i şer‘a gelip alâ-vukū‘ihî inhâ ve takrîr etmeğin mûcebince arsa-yı mezkûreyi Müslim’e bey‘ etmek üzere kıbel-i şer‘den merkūm Kirkor’a tenbîh olunduğu huzûr-ı âlîlerine i‘lâm olundu. Fî 6 Cumâdelâhire sene [1]143.