Bab Mahkemesi 150 Numaralı Sicil (H. 1143-1144 / M. 1730-1732) cilt: 65, sayfa: 508 Hüküm no: 619 Orijinal metin no: [121a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Zaim Yusuf Ağa hakkında açılan davada davacıların vekaletinin sabit olmadığı Ma‘rûz. Vilâyet-i Rumeli’nde vâki‘ Pirlepe kazâsına tâbi‘ Kradişte nâm karye mütemekkinlerinden Petro v. İstrezo ve Poçin nâm karye mütemekkinlerinden Damenyan v. Lekne ve Terkos nâm karye mütemekkinlerinden Dimo v. Mitro nâm zimmîler meclis-i şer‘de zikrolunan karyelerin za‘îmi olup derûn-ı arzuhâlde mezkûrü’l-ism olan Yusuf Ağa mahzarında mezbûr Yusuf Ağa zu‘âmadan olmağla zikrolunan karye ahâlîleriyle sâir ze‘âmeti karyeleri ahâlîlerini her bâr darb ve bi-gayr-ı hakkın tecrîm ve tağrîm eylediğinden mâ‘adâ sâir bi’l-cümle kazâ-i mezbûr re‘âyâlarına dahi akçe tevzî‘ edip cebren ve kahren ahz ve bu misillü nice cevr ve zulmünün nihâyeti yokdur deyü bi’l-cümle ahâlî-i kurâ ve ahâlî-i kazâ taraflarından da‘vâya tasaddî edip lâkin ahâlî-i kurâ ve ahâlî-i kazâ taraflarından vekâletleri sâbit olmayıp ancak fuzûlî vekâlet iddi‘â etmeleriyle mezbûr Yusuf Ağa’ya suâl dahi tevcîh etmeyip bî-vech mu‘ârazadan men‘ olundukları huzûr-ı âlîlerine i‘lâm olundu. Fermân hazret-i veliyyü’l-emrindir. Fî 6 Cumâdelâhire sene [1]143.