Bab Mahkemesi 150 Numaralı Sicil (H. 1143-1144 / M. 1730-1732) cilt: 65, sayfa: 510 Hüküm no: 624 Orijinal metin no: [121b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Alacak davasında sulh olduğu Ma‘rûz. Arzuhâl eden Hüseyin Ağa meclis-i şer‘de hasmı Kethüdâ Mehmed Efendi tarafından sâbitü’l-vekâle vekîli Ali Efendi ile dokuz yüz guruş da‘vâsından vesâtet-i muslihûn ile iki yüz elli guruş bedel-i makbûza sulh olup mâ‘adâya müte‘allika âmme-i da‘vâdan müvekkil-i mezbûru ibrâ ve iskāt eylediğinde ol dahi mezbûr Hüseyin Ağa’dan müdde‘âsı olan iki bin beş yüz guruşa müte‘allika âmme-i da‘vâdan mezbûr Hüseyin Ağa’yı ibrâ ve iskāt edip kat‘-ı nizâ‘ ettikleri Bâb Mahkemesi’nde tescîl ve mübâşileri Mehmed Çavuş iltimâsıyla huzûr-ı âlîlerine i‘lâm olundu. Fermân men-lehü’l-emrindir. Fî 9 Cumâdelâhire sene [1]143.