Bab Mahkemesi 150 Numaralı Sicil (H. 1143-1144 / M. 1730-1732) cilt: 65, sayfa: 513 Hüküm no: 630 Orijinal metin no: [122a-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Hoşafçı ve şerbetçiler kethüdalğının es-Seyyid Ahmed’e verilmesi talebi Ma‘rûz. Derûn-ı arzuhâlde mezkûr hoşâbcı ve şerbetçiler kethüdâlığı bundan akdem otuz bir akçe hazîne-mândesi mukābili sâhib-i arzuhâl es-Seyyid Ahmed’in üzerinde iken el-Hâc Mehmed nâm kimesne vakt-i fetretde hırfet-i mezkûreden kendiye tâbi‘ birkaç kimesneler iltimâsıyla bir takrîb ile kethüdâlığ-ı mezkûru mezbûr es-Seyyid Ahmed ref‘inden kendi üzerine ettirmekle sırren ve alenen hüsn-i hâli istihbâr olunan mezbûr es-Seyyid Ahmed kethüdâlığ-ı mezkûr yine kendiye tevcîh ve inâyet buyrulmasını iltimâs eylediği huzûr-ı âlîlerine i‘lâm olundu. Fermân men-lehü’l-emrindir. Fî 15 Cemâziyelâhir sene [1]143.