Ahi Çelebi Mahkemesi 1 Numaralı Sicil (H. 1063-1064 / M. 1652-1653) cilt: 49, sayfa: 266 Hüküm no: 374 Orijinal metin no: [55a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. el-Hâc Piyale’nin cariyesini azat ettiği Evlâd-ı Arab’dan el-Hâc Piyale b. el-Hâc Ebîbekir mahfil-i şer‘-i şerîfde kendüye rıkkını mu‘terife olan açık kaşlı, koyun elâ gözlü, kısa boylu, Gürciyyetü’l-asl Mülayim bt. Abdullah nâm câriye-i memlûkesi mahzarında ikrâr-ı tâm ve takrîr-i kelâm edip memlûkem mevsûfe-i mezbûreyi hasbeten lillâhi te‘âlâ ve hasbeten li-rûhi rasûlihi’l-mu‘allâ rağbeten bimâ-kāle’n-nebiyyü’l-muhtâr: “Men a‘taka rakabeten mümineten a‘taka’llâhu te‘âlâ bi-külli udvin minhâ udven minhu mine’n-nâr” âzâd ve i‘tâk ve kayd-ı rıkdan ıtlâk eyledim, ba‘de’l-yevm mezbûre Mülayim sâir asliyyât gibi hürre olup üzerinde hakk-ı velâdan gayrı hakkım kalmadı dedikde mâ-vaka‘a bi’t-taleb ketb ü sebt olundu. Fi’l-yevmi’r-râbi‘ min-şehri Recebi’l-ferd li-sene erba‘a ve sittin ve elf. Şuhûdü’l-hâl: el-Hâc Ahmed b. Mehmed, el-Hâc Ali b. Mehmed, el-Hâc Ebîbekir Mehmed, el-Hâc Mehmed b. el-Hâc Ahmed.