Bab Mahkemesi 150 Numaralı Sicil (H. 1143-1144 / M. 1730-1732) cilt: 65, sayfa: 525 Hüküm no: 656 Orijinal metin no: [125a-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Şişeci esnafının eskiden olduğu gibi hassa mimarbaşı ağaya tâbi olmaları için emir talebi Ma‘rûz. Derûn-ı telhîsde mezkûr esnâfdan şişeci tâifesinden ma‘lûmü’l-esâmî on nefer Müslim ve sekiz nefer Yahûdiler meclis-i şer‘de hâssa mi‘mârbaşı tarafından vekîl-i sâbitü’l-vekâle Hüseyin mahzarında kadîmü’l-eyyâmdan berü umûm ve husûsumuz zikrolunan mi‘mârbaşı ağa tarafından olagelip âhardan kimesne müdâhale edegelmiş değil iken Ömer nâm kimesne üzerimize nâzır ve kethüdâlık ihdâs ve üzerine berât ettirip her birimize bi-gayr-ı hakkın rencîde ve gadr ve te‘addî etmeğin husûs-ı mezkûr muhdesâtdan olmağla mezbûr Ömer’in kaydı terkīn hazîne-mânde mütâlebesiyle ta‘arruz olunmayıp kadîmî üzere zikrolunan hâssa mi‘mârbaşı ağadan mâ‘adâ kimesne umûrlarına müdâhale ettirilmemek bâbında emr-i âlî ricâsında oldukları bi’l-iltimâs huzûr-ı âlîlerine i‘lâm olundu. Fî 24 Cumâdelâhire sene [1]143.