Bab Mahkemesi 150 Numaralı Sicil (H. 1143-1144 / M. 1730-1732) cilt: 65, sayfa: 525 Hüküm no: 657 Orijinal metin no: [125a-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Alacak davasında sulh olduğu Ma‘rûz. Kapıkethüdâsı Ahmed Beşe mübâşeretiyle ihzâr-ı şer‘ olunan Salih Beşe’den hasmı Fâtıma ve diğer Fâtıma nâm hatunlar meclis-i şer‘de mezbûr Salih Beşe’ye târih-i i‘lâmdan bir ay mukaddem bir husûsun temşiyyeti’çün yirmi bir guruş def‘ ve teslîm ve diğer Fâtıma dahi kezâlik bir husûsun temşiyyeti’çün on iki guruş def‘ ve teslîm etmişidik deyü ba‘de’d-da‘vâ ve’l-münâza‘a vesâtet-i muslihîn ile mezbûre Fâtıma altı guruş ve mezbûre diğer Fâtıma dahi üç guruş bedel-i makbûza sulh olup husûs-ı mezkûra müte‘allika âmme-i da‘vâdan her biri [-diğerini] ibrâ ve iskāt eyledikleri huzûr-ı âlîlerine i‘lâm olundu. Fî 25 Cumâdelâhire sene [1]143.