Ahi Çelebi Mahkemesi 1 Numaralı Sicil (H. 1063-1064 / M. 1652-1653) cilt: 49, sayfa: 268 Hüküm no: 377 Orijinal metin no: [55b-2, Arapça] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Ayşe bt. Mustafa’nın kocası Hasan Beşe ile anlaşarak boşandığı (muhâla‘a) Medîne-i mahmiye-i Kostantıniyye mahallâtından Timurhan Mahallesi’nde sâkine Âişe bt. Mustafa nâm hatun meclis-i şer‘-i şerîf ve mahfil-i dîn-i münîf el-masûn ani’t-tağyîr ve’t-tahrîfe hâzıra olup hâmil-i hâze’l-kitâb Hasan Beşe b. İslâm nâm zevci ile muhâla‘a etti. Zevc-i mezbûr dahi nikâhında ma‘kūdün-aleyh râyicü’l-vakt iki bin akçe mehr-i müecceli, nafaka-i iddeti ve meûnet-i süknâsı mukābelesinde zevce-i mezbûresi ile hul‘ eyledi. Mezbûre Âişe bu sûretle akd-i cedîd ve mehr-i müste’nif olmadan zevc-i mezkûra helâl olmayacak şekilde bâyinen ayrılmış oldu. Sonra hukūk-ı zevciyyete müte‘allik cemî‘ de‘âvîden her biri diğerinin zimmetini ibrâ-yı âmm-ı kātı‘un li’n-nizâ‘ ile ibrâ etti. Cerâ zâlike ve hurrire fi’l-yevmi’s-sâbi‘ min-Recebi’l-ferd li-sene erba‘a ve sittin ve elf. Şuhûdü’l-hâl: Süleyman Bey b. Mustafa el-yesârî, İbrahim b. Mehmed, Ebûbekir Çelebi b. Mehmed, el-Hâc Murad b. Osman, Ali Beşe çukadâr, Mehmed Çelebi b. Nasuh, İbrahim Çelebi b. Davud, Pîrî Beşe [b.] Hüseyin ve gayruhum