Bab Mahkemesi 150 Numaralı Sicil (H. 1143-1144 / M. 1730-1732) cilt: 65, sayfa: 591 Hüküm no: 810 Orijinal metin no: [144b-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Vefât eden Abdullah Ağa’nın borcunun terekeden tahsili gerektiği Ma‘rûz. Sâhibe-i arzuhâl Fâtıma Hatun’un hasmı olup derûn-ı arzuhâlde mastûrü’l-ism Sarraf Ohan zimmî merkūme Fâtıma’nın vekîl-i şer‘îsi zevci Mehmed Çelebi mahzarında merkūme Fâtıma’nın babası olup hasren vârisi olduğu müteveffâ Abdullah Ağa b. Mehmed b. Abdullah zimmetinde cihet-i karz-ı şer‘îden elli guruş hakkım olup kable’l-edâ fevt olmağla terekesinden taleb ederim deyü da‘vâ ve müdde‘âsını şuhûd-ı udûlden Mumcu Mustafa Beşe b. Ali ve Mahmud Beşe b. Ahmed nâm kimesneler şehâdetleriyle isbât edip mezbûrlar ba‘de’t-ta‘dîl ve’t-tezkiye şehâdetleri makbûle oldukdan sonra merkūm Sarraf Ohan zimmî vech-i şer‘î üzere tahlîf olunmağın meblağ-ı mezbûr elli guruş müteveffâ-i merkūmun terekesinden şer‘an tahsîl lâzım gelmişdir. Fî 18 min-Zilka‘de sene 1143.