Bab Mahkemesi 151 Numaralı Sicil (H. 1143-1144 / M. 1731) cilt: 66, sayfa: 54 Hüküm no: 7 Orijinal metin no: [1a-5] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Numan b. Sâbit’in Mustafa Ağa’ya olan borcunu taksit halinde ödemeyi taahhüt ettiği Nu‘man b. Sâbit 4.042 guruş Vech-i tahrîr-i hurûf budur ki; izzetlü birâderimiz el-Hâc Mustafa Ağa ile işbu bin yüz kırk üç senesinin Rebî‘ülevvel ibtidâsına gelince cüz’î ve küllî alış verişimiz gördüğümüzde ba‘de küllî hesâb târih-i mezbûra gelince yalnız dört bin kırk iki guruş idiği nısfı yalnız iki bin yirmi bir guruş eder vâcibü’l-edâ ve lâzımü’l-kazâ deynimdir inşâallâhu te‘âlâ zikrolunan meblağ-ı mezbûru sene-i mezbûrenin mâh-ı Rebî‘ülâhiri’nde iki yüz elli guruş ve beher mâh ikişer yüz ellişer guruş vermek vechi üzere kavl ve ta‘ahhüd olunup inşâallâhu te‘âlâ bâlâda zikrolunan meblağ-ı mezbûru beher mâh ikişer yüz ellişer guruş ile tamamen edâ ve teslîm eylediğimiz[de] işbu hâfızü’t-temessük el-Hâc Mustafa Ağa’nın yedinde olan işbu memhûr temessükümüz su? geri alınıp şak oluna. Fî 4 Ra Sene 1143 [Şuhûdü’l-hâl:] Muhibbi’l-fakīr Mehmed Ser-bâzâr-ı Saray-ı atîk hâlâ, es-Seyyid Mustafa Ağa, Yusuf Ağa, Abdurrahman Bey, Mehmed Efendi, Mehmed Yazıcı, Kabakcı el-Hâc Mustafa, Köse el-Hâc Abdullah, Süleyman Çelebi, ortağı Ahmed Çelebi, Ali Odabaşı, birâder-i el-Hâc Mehmed.