Bab Mahkemesi 151 Numaralı Sicil (H. 1143-1144 / M. 1731) cilt: 66, sayfa: 128 Hüküm no: 98 Orijinal metin no: [26a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Halep İhlasdede Zaviyesi Câbîliğinin Şeyh Mehmed Efendi’ye bırakıldığı Cibâyet kasr-ı yedi. Medîne-i Halebü’ş-şehbâ ahâlîsinden olup mahmiye-i İstanbul’da müsâfiren sâkin es-Seyyid Yusuf b. es-Seyyid Ebûbekir meclis-i şer‘-i hatîr-i lâzımü’t-tevkīrde yine mahmiye-i mezbûre sükkânından bâ‘isü’l-vesîka eş-Şeyh Mehmed Efendi b. eş-Şeyh Murad mahzarında ikrâr-ı tâm ve takrîr-i kelâm edip medîne-i mezbûrede vâki‘ İhlâs Dede zâviyesi vakfından bâ-berât-ı âlîşân vazîfe-i mu‘ayyene ile mutasarrıf olduğum cibâyeti hüsn-i rızâm ile mezbûr eş-Şeyh Mehmed Efendi’ye fâriğ ve cihet-i mezkûreden kasr-ı yed eyledim dedikde gıbbe’t-tasdîkı’l-mu‘teber mâ-hüve’l-vâki‘ bi’t-taleb ketb olundu. Fi’l-yevmi’r-râbi‘ min-Zilka‘deti’ş-şerîfe li-sene selâse ve erba‘în ve mie ve elf. Şuhûdü’l-hâl: Mehmed Çelebi b. Abdullah, el-Hâc Kasım Mehmed b. ( ), İbrahim b. Süleyman, Mehmed b. Receb.