Bab Mahkemesi 151 Numaralı Sicil (H. 1143-1144 / M. 1731) cilt: 66, sayfa: 129 Hüküm no: 100 Orijinal metin no: [26a-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Tavas’ın Kızılca köyü mescidi imâmlığının ortaklaşa verildiği <> Fi’l-asl vilâyet-i Anadolu’da Menteşe Sancağı’nda Tavas kazâsına tâbi‘ Kızılca nâm karyede vâki‘ ashâb-ı hayrâtdan müteveffâ el-Hâc Ramazan’ın eylediği mescid-i şerîfde bâ-berât-ı âlîşân ile imâm olup hâlâ İstanbul’da Nallımescid kurbünde müsâfiren sâkin Şeyh Mehmed b. Mahmud nâm kimesne meclis-i şer‘-i hatîr-i lâzımü’t-tevkīrde karye-i mezbûreden olup kezâlik İstanbul’da müsâfiren sâkin Halil Halîfe b. Ali nâm kimesne ikrâr ve takrîr-i kelâm edip mutasarrıf olduğum imâmet-i mezkûreye mezbûr Halil Halîfe’yi teşrîk etmek üzere kazâ-i mezbûr a‘yân ve eşrâfı iltimâs ve recâ etmeğin ve ben dahi tayyib-i rızâm ile kendime imâmet-i mezkûrede şerîk edip fîmâ-ba‘d mescid-i mezkûrda mezbûr Halil Halîfe benim re’yim üzere bi-tarîkı’n-nevbe imâm olup nevbetinde hizmet-i lâzımesin edâya ta‘ahhüd etmeğin bu vech üzere beynimizde ahd-i vifâk ve mîsâk eyledim dedikde gıbbe’t-tasdîkı’ş-şer‘î mâ-vaka‘a bi’t-taleb ketb olundu. Fi’l-yevmi’r-râbi‘ min-Zilka‘de li-sene 1143. Şuhûdü’l-hâl: Ebûbekir b. Ali, Abdurrahman b. Ferhad, Süleyman b. İsmail, Hasan b. Mustafa, Mehmed Çelebi [b.] Abdullah.