Ahi Çelebi Mahkemesi 1 Numaralı Sicil (H. 1063-1064 / M. 1652-1653) cilt: 49, sayfa: 283 Hüküm no: 404 Orijinal metin no: [59a-4, Arapça] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Fâtıma bt. İbrahim’in kocası el-Hâc Ali b. el-Hâc Receb ile anlaşarak boşandığı (muhâla‘a) Mahmiye-i Kostantıniyye mahallâtından Hızırbey Mahallesi’nde sâkine Fâtıma bt. İbrahim nâm hatun meclis-i şer‘-i şerîf ve mahfil-i dîn-i münîf el-masûn ani’t-tağyîr ve’t-tahrîfe hâzıra olup bâ‘is-i hâze’l-kitâb el-Hâc Ali b. el-Hâc Receb nâm zevci ile muhâla‘a etti. Zevc-i mezbûr dahi nikâhında ma‘kūdün-aleyh râyicü’l-vakt dört yüz akçe mehr-i müecceli, nafaka-i iddeti ve meûnet-i süknâsı mukābelesinde zevce-i mezbûresi ile hul‘ eyledi. Mezbûre Fâtıma bu sûretle akd-i cedîd ve mehr-i müste’nif olmadan zevc-i mezkûra helâl olmayacak şekilde bâyinen ayrılmış oldu. Sonra hukūk-ı zevciyyete müte‘allik cemî‘ de‘âvîden her biri diğerinin zimmetini ibrâ-yı âmm-ı kātı‘un li’n-nizâ‘ ile ibrâ etti. Cerâ zâlike ve hurrire fi’l-yevmi’s-sâlis min-Şa‘bâni’l-mu‘azzam li-sene erba‘a ve sittin ve elf. Şuhûdü’l-hâl: İbrahim Çelebi b. Davud, Mehmed b. Abdullah, Pîrî Beşe b. Hüseyin, Rıdvan b. Abdullah ve gayruhum mine’l-hâzırîn