Bab Mahkemesi 151 Numaralı Sicil (H. 1143-1144 / M. 1731) cilt: 66, sayfa: 166 Hüküm no: 149 Orijinal metin no: [38b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Ayşe Hatun’un kocası Mustafa Sipâhi’nin Acem seferi dönüşünde Konya’da öldüğünün anlaşıldığı İstihbâr. Mahmiye-i İstanbul’a Koruk Mahmud mahallesinde sâkine olup zâtı es-Seyyid Feyzullah Çelebi b. Mehmed ve Mehmed Beşe b. Mustafa nâm kimesneler ta‘rîfleriyle mu‘arrefe olan Âişe bt. Abdullah nâm Hatun ber-vech-i âtî istihbâr-ı şer‘î sudûrundan sonra mahmiye-i mezbûrede Kasab İlyas mahallesi ahâlîsinde Mehmed Çelebi b. Mahmud ve Silivrikapısı kurbünde İbrahim Paşa mahallesi ahâlîsinden Arab Ali b. Abdullah nâm kimesneler li-ecli’l-ihbâr meclis-i şer‘a hâzırân olup istihbâr olunduklarında fi’l-hakīka işbu müstahbere-i mezbûrenin zevci Mustafa Sipâhi b. Davud nâm kimesne târih-i kitâbdan bir sene mukaddem Acem seferinden avdetimizde İstanbul’a gelirken esnâ-i tarîkde medîne Konya’da bi-emrillâhi te‘âlâ vefât eyledi. Biz cenâzesine hazır olduk ve defn eyledik deyü her biri alâ-tarîkı’ş-şehâde ihbâr etmeğin hıfzan li’l-makāl işbu vesîka ketb olundu. Fî 27 Zilka‘de sene [1]143. Şuhûdü’l-hâl: Mehmed Çelebi b. Abdullah tahtacı, İbrahim Çelebi b. Mustafa du‘âcı, Abdullah b. Mustafa, Mehmed b. İbrahim.