Bab Mahkemesi 151 Numaralı Sicil (H. 1143-1144 / M. 1731) cilt: 66, sayfa: 178 Hüküm no: 164 Orijinal metin no: [41a-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Gürcü asıllı cariyenin Acem asıllı çıkması üzerine açılan davadan vazgeçildiği Mahmiye-i İstanbul’da Sarrâc İshak mahallesinde sâkine olup zâtı ta‘rîf-i şer‘î ile mu‘arrefe olan Emine bt. Hüseyin nâm Hatun meclis-i şer‘-i hatîr-i lâzımü’t-tevkīrde bâ‘isetü’l-kitâb Ümmügülsüm bt. diğer Hüseyin nâm hatun mahzarında üzerine da‘vâ ve takrîr-i kelâm edip işbu orta boylu açık kaşlı elâ gözlü Hadîce bt. Abdullah nâm câriye-i memlûkesini târih-i kitâbdan dokuz ay mukaddem Gürciyyetü’l-asl olmak üzere iki yüz otuz altı guruşa bana bey‘ ve temlîk ve teslîm eylediğinde ben dahi ber-vech-i muharrer iştirâ ve temellük ve kabz ve kabûl etmişidim. Hâlâ mevsûfe-i mezbûre Acemiyetü’l-asl olmağla mevsûfe-i mezbûreyi yedimden ahz u kabz ve semen-i olmak üzere kendiye medfû‘um olan meblağ-ı mezbûru bana geri red ve teslîm etmek üzere da‘vâya tesâddî etmişidim. El-hâletü-hâzihi [41b] beynimizde muslihûn tavassutuyla da‘vâ-yı mezkûremden fâriğa olup husûs-ı mezkûra müte‘allika mezbûre Ümmügülsüm Hatun ile kat‘a da‘vâ ve nizâ‘ım yokdur dedikde gıbbe’t-tasdîkı’ş-şer‘î mâ-vaka‘a bi’t-taleb ketb olundu. Fî 2 min-Zilhicce sene [1]143. Şuhûdü’l-hâl: Esirciler kethudâsı Hasan Ağa b. Hüseyin, Salih Çelebi b. Hüseyin, Ömer Çelebi b. Hasan, Mehmed Çelebi b. Abdullah.