Bab Mahkemesi 151 Numaralı Sicil (H. 1143-1144 / M. 1731) cilt: 66, sayfa: 292 Hüküm no: 313 Orijinal metin no: [73a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Ahmed Çavuş’un hastalığını bilerek aldığı Arap cariyeyi iade edemeyeceği Ma‘rûz. Ebnâ-i sipâhiyândan Ahmed Çavuş b. Abdullah meclis-i şer‘de Mehmed b. Mustafa mahzarında merkūm Mehmed üç ay mukaddem yedinde mülkü olan işbu bir re’s Arab câriyesini mat‘ûneten marîz olmak üzere yüz guruş semen-i medfû‘ ve makbûza bana bey‘ ve teslîm ben dahi ber-vech-i muharrer ba‘de’l-iştirâ câriye-i mezkûreye ilâc ve tımar edip şifâ bulmamağla kendiye red ve semen-i mezbûru geri taleb ederim deyü tesâddî eylediği da‘vâsı meşrû‘â olmamağın mezbûr Mehmed’e suâl teveccüh etmemekle merkūm Ahmed Çavuş bî-vech mu‘ârazadan men‘ olunduğu huzûr-ı âlîlerine i‘lâm olundu. Fî 3 Z sene 1143.