Bab Mahkemesi 151 Numaralı Sicil (H. 1143-1144 / M. 1731) cilt: 66, sayfa: 293 Hüküm no: 317 Orijinal metin no: [73b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Fâtıma Hatun’un haksız yere parasını alan Mustafa’nın parayı iadesi Ma‘rûz. Sahibe-i arzuhâl Fâtıma Hatun meclis-i şer‘de zevci olup Dîvân-ı âlî çavuşlarından İsmail Çavuş kullarıyla meclis-i şer‘a ihzâr olunan derûn-ı arzuhâlde mezkûr el-Hâc Mustafa’dan tasarrufumda olan beynimizde ma‘lûm hanın ta‘mîri iktizâ etmekle birkaç gün üzerinde durup ücret-i kavlinsiz bi-gayr-ı hakkın yedimden iki yüz yetmiş beş guruşumu ahz u kabz ve ber-vech-i muharrer meblağ-ı mezbûru yedimden ahz ve kabz eylediğini lede’ş-şuhûd ikrâr ve i‘tirâf etmekle taleb ederim deyü ba‘de’d-da‘vâ ve’l-inkâr müdde‘iye-i mezbûre ber-vech-i muharrer müdde‘âsını şühûd-ı udulle isbât etmeğin mûcebince tenbîh olunduğu huzûr-ı âlîlerine i‘lâm olundu. Fî 4 Zilhicce sene [1]143.