Bab Mahkemesi 151 Numaralı Sicil (H. 1143-1144 / M. 1731) cilt: 66, sayfa: 295 Hüküm no: 320 Orijinal metin no: [73b-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Satılan kölenin hastalıklı çıktığı Ma‘rûz. Sahib-i arzuhâl Mehmed meclis-i şer‘de hasmı Tatar el-Hâc Mehmed mahzarında üç buçuk ay mukaddem uyûbdan sâlime olmak üzere mezbûr el-Hâc Mehmed’den iki yüz yirmi guruş semen-i medfû‘ ve makbûza iştirâ ve kabz eylediği Acemiyetü’l-asl işbu bir re’s sevdâ-yı merak ayıbıyla mu‘ayyebe ve ayb-ı mezkûr inde’t-tüccâr noksan semen îcâb eder uyûbdan olup bir seneden ekalden hâdis olur değildir kadîmdir deyü da‘vâ ve müdde‘âsını bâ-fermân-ı âlî ehl-i hibre ta‘yîn olunan Hasan Efendi b. Ali ve es-Seyyid Ahmed Efendi b. İbrahim nâm kimesneler ile vech-i şer‘î üzere mezbûr Tatar el-Hâc Mehmed muvâcehesinde isbât edip müdde‘î-yi mezbûr Mehmed tahlîf-i şer‘î ile ba‘de’t-tahlîf mûcebince hükm ve tenbîh olunduğu huzûr-ı âlîlerine i‘lâm olundu. Fî 6 Zilhicce sene [1]143.