Bab Mahkemesi 151 Numaralı Sicil (H. 1143-1144 / M. 1731) cilt: 66, sayfa: 296 Hüküm no: 323 Orijinal metin no: [74a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Süt alım davasında iddiaların gerçek olmadığı Ma‘rûz. Mumcu İsmail mübâşeretiyle Bâb Mahkemesi’ne ihzâr olunan es-Seyyid Ahmed’den hasmı Yoğu[r]tcu Berkov nâm zimmî meclis-i şer‘de Sarrâchâne kurbünde sâkin gāib ani’l-meclis Ahmed nâm kimesne yedinde mülkü olan ağnamından yevmen fe-yevmen hâsıl olan südü bana bey‘ etmek üzere benimle kavl etmiş iken mezbûr es-Seyyid Ahmed benden mukaddem iştirâ ve kabz etmekle mücerred benimle kavline binâen zikrolunan südü mezbûr es-Seyyid Ahmed’den taleb ederim deyü tesâddî eylediği da‘vâsı meşrû‘â olmamağla mesfûr Berkov bî-vech mu‘ârazadan men‘ olunduğu huzûr-ı âlîlerine i‘lâm olundu. Fî 7 Zilhicce sene [1]143.