Bab Mahkemesi 151 Numaralı Sicil (H. 1143-1144 / M. 1731) cilt: 66, sayfa: 296 Hüküm no: 324 Orijinal metin no: [74a-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Kadın kaçırma suçunun sâbit olup tazir ve hapis cezası talebi Ma‘rûz. Mumcu Ahmed Beşe mübâşeretiyle meclis-i şer‘a ihzâr olunan Laz tâifesinden Mustafa Beşe b. Hasan’ın hasmı diğer Mustafa Beşe İnebolu kazâsında Avran karyesinde sâkin olduğum menzilimi târih-i i‘lâmdan yedi ay mukaddem mezbûr Mustafa Beşe gāib ani’l-meclis yedi nefer rüfekāsıyla basıp zevcem hâzıratü bi’l-meclis Âişe Hatun’u dağa götürüp ırzımı hetk etmeleriyle mûceb-i şer‘îsi icrâ olunmak murâdımdır deyü da‘vâ ve vech-i meşrûh üzere olan müdde‘âsını şühûd-ı udûlden Hüseyin b. Davud ve Mehmed b. Osman nâm kimesneler şehâdetleriyle isbât edip ba‘de’t-ta‘dîl ve’t-tezkiye şehâdetleri makbûle olmağın mezbûr Laz Mustafa Beşe’ye şer‘an ta‘zîr-i şedîd ve ıslâh-ı nefs edince habs lâzım geldiği huzûr-ı âlîlerine i‘lâm olundu. Fî 5 Zilhicce sene [1]143.