Bab Mahkemesi 151 Numaralı Sicil (H. 1143-1144 / M. 1731) cilt: 66, sayfa: 297 Hüküm no: 327 Orijinal metin no: [74a-6] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Katledilen Yusuf’un cesedinin keşfi Ma‘rûz. Sâdır olan fermân-ı âlîlerine imtisâlen arzuhâl eden Za‘îm Genç Mehmed Ağa’nın talebiyle taraf-ı şer‘den irsâl olunan Mevlânâ Mehmed Efendi dâ‘îleri mezbûrun sâkin olduğu Süleyman Paşa hânında vâki‘ odasına varıp hazır bi’l-meclis Müslimîn ile derûn-ı arzuhâlde ismi merkūm maktûl Yusuf’un a‘zâsına nazar eyledikde sol koltuğu altından bıçak ile darb ve cerh eserini ba‘de’l-mu‘âyene ve’l-müşâhade cenâzesini ref‘ ve defne ağası mezbûra tenbîh eylediğini mahâllinde ketb ve tahrîr ba‘dehû ma‘an ba‘s olunan ümenâ-i şer‘le gelip inhâ eylediği huzûr-ı âlîlerine i‘lâm olundu. Fî 9 Zilhicce sene [1]143.