Bab Mahkemesi 151 Numaralı Sicil (H. 1143-1144 / M. 1731) cilt: 66, sayfa: 299 Hüküm no: 330 Orijinal metin no: [74b-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Müslüman olan Ayşe’nin eski kocasına açtığı mehir ve eşya davasının sulhla sonuçlandığı Ma‘rûz. Sahibe-i arzuhâl Âişe Hatun nâm mühtediye meclis-i şer‘de zâtı tercümanları Ahmed Çelebi b. Mahmud ve hâlâ zevci Ahmed b. Abdullah hazır oldukları hâlde sâbıkā zevci Yasef Yahûdî tarafından sâbitü’l-vekâle vekîli olan Harun Yahûdî’yle derûn-ı arzuhâlde mezkûr müdde‘âsı olan beş yüz guruş mehir ve ber-mûceb-i defter-i müfredât eşyâ-i ma‘lûmeyi isbâtdan izhâr-ı acz edip muslihûn tavassutuyla üç yüz elli guruş üzerine vekîl-i mezbûr ile an-inkâr musâlaha eylediğinde mezbûre Âişe dahi sulh-ı mezbûru kabûl ve bedel-i sulh-ı mezkûrun iki yüz guruşunu mukaddemâ ve yüz elli guruşunu hâlâ vekîl-i mezbûr yedinden ba‘de’l-kabz husûs-ı mezkûra müte‘allika âmme-i da‘vâdan her biri âharı ibrâ ve ıskāt birle kât‘-ı nizâ‘ ettikleri Bâb Mahkemesi’nde tescîl ve mübâşirleri Ahmed Haseki kulları iltimâsıyla huzûr-ı âlîlerine i‘lâm olundu. Fî 15 Zilhicce sene [1]143.