Bab Mahkemesi 151 Numaralı Sicil (H. 1143-1144 / M. 1731) cilt: 66, sayfa: 300 Hüküm no: 333 Orijinal metin no: [75a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Haksız yere alınan cariye davasının sulhla sonuçlandığı Ma‘rûz. Arzuhâl eden Hasan Ağa meclis-i şer‘de derûn-ı arzuhâlda mastûrü’l-ism Halil Ağa’nın vekîl-i şer‘îsi el-Hâc Yusuf mahzarında müvekkil-i mûmâ-ileyh beş sene mukaddem yedimde mülk ve hakkım olan beş yüz guruş kıymetli Gürciyyetü’l-asl câriyemi bi-gayr-ı hakkın ahz etmekle mevcûd ise aynını müstehlek ise ba‘de’l-beyân kıymet-i şer‘iyesini müvekkil-i mûmâ-ileyhden da‘vâya tesâddî eylediğimde ol dahi ba‘de’l-inkâr vesâtet-i muslihîn ile iki yüz otuz guruş üzerine ba‘de’l-musâlaha ve’l-kabûl bedel-i sulh olan meblağ-ı mezbûr iki yüz otuz guruşu vekîl-i mezbûr müvekkil-i mûmâ-ileyhin mâlından olmak üzere bana def‘ ve teslîm ben dahi ahz u kabz etmemle mâ‘adâya müte‘allika âmme-i de‘âvî ve kâffe-i mutâlebât ve eymân ve muhâsamâtdan müvekkil-i mûmâ-ileyhin zimmetini ibrâ-i âmm-ı râfi‘u’l-hısâm ile ibrâ ve ıskāt eyledim dedikde Bâb Mahkemesi’nde tescîl ve mübâşirleri Dîvân-ı âlî çavuşlarından Ahmed Çavuş kulları iltimâsıyla huzûr-ı âlîlerine i‘lâm olundu. Fî 17 Zilhicce sene [1]143.