Bab Mahkemesi 151 Numaralı Sicil (H. 1143-1144 / M. 1731) cilt: 66, sayfa: 301 Hüküm no: 334 Orijinal metin no: [75a-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Ümmügülsüm Hatun ile Ömer b. Hüseyin’in muhâlaa yoluyla boşandıkları Ma‘rûz. Derûn-ı arzuhâlde mezkûreti’l-ism Ümmügülsüm Hatun ba‘de’t-ta‘rîfi’ş-şer‘î meclis-i şer‘de zevci Ömer b. Hüseyin ile hüsn-i mu‘âşeretleri olmamağın altı bin akçe mehr-i müeccel ve nafaka-i iddet-i ma‘lûmesi üzerlerine ve mezbûr Ömer’e def‘ ve teslîm eylediği yirmi iki guruş bedel-i hul‘ olup me’ûnet-i süknâsı dahi kendi üzerine olmak üzere zevci mezbûr Ömer ile muhâla‘a-i sahîha-i şer‘iye ile muhâla‘a eylediğinde ol dahi hul‘-ı mezbûru ba‘de’l-kabûl hukūk-ı zevciyete müte‘allika da‘vâdan her biri âharı ibrâ ve ıskāt eylediği tebcîl ve huzûr-ı âlîlerine i‘lâm olundu. Fî 18 Zilhicce sene [1]143.