Bab Mahkemesi 151 Numaralı Sicil (H. 1143-1144 / M. 1731) cilt: 66, sayfa: 303 Hüküm no: 339 Orijinal metin no: [75b-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Mahmud ile kardeşi Mehmed’in ortaklaşa tasarruflarında olan mezraa mahsulatından Yusuf’ta olan alacakları konusunda iddialarını ispatlayamadıkları Ma‘rûz. Sahib-i arzuhâl Mahmud meclis-i şer‘de hasmı Yusuf ile terâfu‘larında mezbûr Mahmud’a ve karındaşı gāib ani’l-meclis Mehmed ile ale’l-iştirâki’s-seviy bâ-berât-ı âlîşân tasarruflarında olup derûn-ı arzuhâlde mezkûr mezrâ‘a mahsûlâtından mezbûr Yusuf’dan kırk keyl hınta ve yirmi keyl şa‘îr ve bir kantar penbe ve sekiz guruş bağ mukāta‘asından nısf hissesini da‘vâ ve mezbûr Yusuf beş keyl hınta ve beş keyl şa‘îr ikrâr ziyâdeyi inkâr edicek müdde‘î-yi mezbûr müdde‘âsını isbâtdan izhâr-ı aczile istihlâf etmeğin mûcebince ikrârı mertebesi olan iki keyl bir şinik [hınta] ve iki keyl bir şinik şa‘îri mahâllinde müdde‘î-yi mezbûra edâ ve teslîme mezbûr Yusuf’a ba‘de’t-tenbîh mezbûr Mahmud ziyâde da‘vâsından bilâ-beyyine bî-vech mu‘ârazadan men‘ olunduğu bi’l-iltimâs huzûr-ı âlîlerine i‘lâm olundu. Bâkī emr men-lehu’l-emrindir. Fî 19 min-Zilhicce sene 1143.