Bab Mahkemesi 151 Numaralı Sicil (H. 1143-1144 / M. 1731) cilt: 66, sayfa: 304 Hüküm no: 341 Orijinal metin no: [75b-5] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Seyyid Veliyüddin’in ekmekçi Maksud’a verdiği para konusunda iddiasını ispatlayamadığı Ma‘rûz. Muhzır Mehmed mübâşeretiyle Bâb Mahkemesi’ne ihzâr olunan Ekmekçi Maksud nâm Ermeni’den hasmı es-Seyyid Veliyüddin meclis-i şer‘de târih-i i‘lâmdan iki sene mukaddem kendiden nân-ı azîz iştirâ etmek üzere mezbûr Maksud’a ber-vech-i peşîn elli guruş def‘ ve teslîm ol dahi yedimden ba‘de’l-kabz kırk bir senesi tamamına gelince ber-mûceb-i defter kendiden emrim ile iştirâ olunan ma‘lûmü’l-mikdâr nân-ı azîz semenini beynimizde ma‘lûm Hazînedâr ( ) nâm kimesneden ahz u kabz ve istifâ edip meblağ-ı mezbûr elli guruş hakkım zimmetinde kalmağla taleb ederim deyü ba‘de’d-da‘vâ ve’l-inkâr müdde‘î-yi mezbûr müdde‘âsını isbâtdan izhâr-ı acz ile istihlâf ettikde mezbûr Maksud tahlîf-i şer‘î ile ba‘de’t-tahlîf mûcebince müdde‘î-yi mezbûr bilâ-beyyine bî-vech mu‘ârazadan men‘ olunduğu bi’l-iltimâs huzûr-ı âlîlerine i‘lâm olundu. Fî 17 min-Zilhicce sene [1]143.