Bab Mahkemesi 151 Numaralı Sicil (H. 1143-1144 / M. 1731) cilt: 66, sayfa: 304 Hüküm no: 342 Orijinal metin no: [76a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Avadik’in un parasından İbrahim Beşe’de alacağı olduğu Ma‘rûz. Muhzır Hüseyin mübâşeretiyle Bâb Mahkemesi’ne ihzâr olunan İbrahim Beşe ile hasmı Avadik zimmî ba‘de’l-mürâfa‘ati’ş-şer‘î dakīk bahâsından merkūm Avadik zimmînin mezbûr İbrahim Beşe zimmetinde on sekiz guruş hakkı olduğu lede’l-mürâfa‘a mezbûr İbrahim’in ikrârıyla vech-i şer‘î üzere sâbit ve zâhir olmağın mûcebince meblağ-ı mezkûr on sekiz guruşu müdde‘î-yi mesfûr Avadik zimmîye edâ ve teslîme mezbûr İbrahim Beşe’ye tenbîh olunduğu huzûr-ı âlîlerine i‘lâm olundu. Fî 20 Zilhicce sene [1]143.