Bab Mahkemesi 151 Numaralı Sicil (H. 1143-1144 / M. 1731) cilt: 66, sayfa: 307 Hüküm no: 349 Orijinal metin no: [76b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Râbia bt. Abdullah’ın yarım hisse evini kocası Osman’a kendisini görüp gözetmek şartıyla devrettiği Ma‘rûz. İstanbul’da Koska fırını kurbünde Kızıltaş mahallesinde sâkine Râbia bt. Abdullah nâm hatun ba‘de’t-ta‘rîfi’ş-şer‘î meclis-i şer‘de zevc-i dâhili Osman b. Şa‘ban nâm kimesne mahzarında Koskalı Mehmed Ağa nâm sahibü’l-hayrın vakfından olup mahalle-i mezbûrede vâki‘ lede’l-ahâlî ve’l-cîrân ma‘lûmü’l-hudûd vakıf menzilin nısf-ı şâyi‘i benim ve nısf-ı şâyi‘-i âharı ortağım işbu Âişe nâm hatunun bi’l-icâreteyn taht-ı tasarrufunda olmağla ben menzil-i mezbûrdan ber-vech-i muharrer mutasarrıfe olduğum nısf hisse-i şâyi‘amı vakf-ı mezbûrun kāimmakām-ı mütevellîsi olan işbu el-Hâc Ahmed’in izin ve ma‘rifeti ile zevcim mezbûr Osman’a beni görüp gözetmek üzere ferâğ ve tefvîz eylediğimde ol dahi tefevvüz ve kabûl eyledi dediği bi’l-iltimâs huzûr-ı âlîlerine i‘lâm olundu. Fî 23 Zilhicce sene [1]143.