Bab Mahkemesi 151 Numaralı Sicil (H. 1143-1144 / M. 1731) cilt: 66, sayfa: 307 Hüküm no: 350 Orijinal metin no: [76b-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Seyyid Mahmud Efendi ve Süleyman Ağa’nın cariye parasından Seyyid Hasan’a borçları olduğu Ma‘rûz. Derûn-ı arzuhâlde mezkûr es-Seyyid Hasan meclis-i şer‘de hasımları es-Seyyid Mahmud Efendi ve Süleyman Ağa ile bi’t-terâzî Bâb Mahkemesi’nde mürâfa‘a olduklarında bundan akdem yedinden iştirâ ve kabz eyledikleri Gürciyyetü’l-asl bir re’s câriye semeninden mezbûrân zimmetlerinde üç yüz yirmi guruş ber-mûceb-i temessük hakkım olup meblağ-ı mezbûrdan her biri âharın zimmetine lâzım gelen mikdâra kefîl ve dâmin olmağla meblağ-ı mezbûr üç yüz yirmi guruşu asâleten ve kefâleten mezbûr Süleyman Ağa’dan taleb ederim deyü da‘vâ eyledikde mezbûr Süleyman Ağa ikrâr ve i‘tirâf etmeğin mûcebince meblağ-ı mezbûr üç yüz yirmi guruşu müdde‘î-yi mezbûr es-Seyyid Hasan’a ber-vech-i muharrer asâleten ve vekâleten edâ ve teslîme mezbûr Süleyman Ağa’ya tenbîh olunduğu mübâşirleri es-Seyyid Mustafa Çavuş ve Mumcu Ahmed Beşe kulları iltimâsıyla huzûr-ı âlîlerine i‘lâm olundu. Fî 23 Zilhicce sene [1]143.