Bab Mahkemesi 151 Numaralı Sicil (H. 1143-1144 / M. 1731) cilt: 66, sayfa: 309 Hüküm no: 355 Orijinal metin no: [77a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Ohri eski valisi Hocazâde Eyüb Paşa’nın alacağını tahsil ettiği Ma‘rûz. Sâbıkā Ohri vâlîsi Hocazâde Eyüb Paşa meclis-i şer‘de otuz yedi senesinden kendiye mahsûs olan hâslardan İşim kazâsına tâbi‘ Mos ve tevâbi‘i ve Mortil ve ber-vech-i iştirâk Şamdânî Mehmed Ağa ve Ahmed Efendi’ye mâlikâne olup mal-ı mîrîsi olan iki yük otuz bir bin dört yüz on akçeden mezbûr Ahmed Efendi’nin hissesine ta‘yîn olunan bir yük on beş bin yedi yüz beş akçeyi mezbûr Ahmed Efendi tarafından sâbitü’l-vekâle vekîli Mehmed Ağa’dan ba‘de’d-da‘vâ ve’l-münâza‘a muslihûn tavassutuyla seksen dört bin akçe üzerinde sulh ve bedel-i sulh-ı mezbûrun on beş bin akçesini mukaddemâ voyvodası Yahya vekîli gāib ani’l-meclis Ali yedinden ba‘de’l-kabz mâ‘adâ altmış dokuz bin akçesini vekîl-i mezbûr Mehmed Ağa yedinden ba‘de’l-kabz husûs-ı mezkûra müte‘allika âmme-i de‘âvî ve mutâlebâtdan müvekkil-i mezbûru ibrâ ve ıskāt eyledim dediği Bâb Mahkemesi’nde tescîl ve mübâşirleri Hüseyin Çavuş Ağa kulları iltimâsıyla huzûr-ı âlîlerine i‘lâm olundu. Fî 21 Zilhicce sene [1]143.