Bab Mahkemesi 151 Numaralı Sicil (H. 1143-1144 / M. 1731) cilt: 66, sayfa: 310 Hüküm no: 356 Orijinal metin no: [77a-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Râziye Hatun ile Osman’ın muhâlaa yoluyla boşandıkları Ma‘rûz. Sahibe-i arzuhâl Râziye Hatun ba‘de’t-ta‘rîfi’ş-şer‘î meclis-i şer‘de zevc-i dâhili el-Hâc Osman ile dört bin iki yüz akçe mehr-i müecceli ve nafaka-i iddet-i ma‘lûme ve me’ûnet-i süknâsı dahi kendi üzerine olmak üzere muhâla‘a-i sahîha-i şer‘iye ile muhâla‘a eylediğinde ol dahi hul‘ mezbûru ba‘de’l-kabûl hukūk-ı zevciyete ve firâşından hâsıl mezbûreden mütevellid Mahmud nâm sagīrin altı senede müctemi‘ nafaka-i mefrûzasına müte‘allika ve târih-i kitâba gelince her biri âharın zimmetini ibrâ ve ıskāt edip kat‘-ı nizâ‘ eyledikleri huzûr-ı âlîlerine i‘lâm olundu. Fî 21 Zilhicce sene [1]143.