Bab Mahkemesi 151 Numaralı Sicil (H. 1143-1144 / M. 1731) cilt: 66, sayfa: 310 Hüküm no: 357 Orijinal metin no: [77a-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Avanis’in alacağı olduğu Ma‘rûz. Muhzır Mehmed mübâşeretiyle Bâb Mahkemesi’ne ihzâr olunan Ekmekçi İstamo ve Karaca nâm zimmîlerden hasmı tâife-i mezbûreden Avanis nâm Ermeni meclis-i şer‘de mezbûr İstamo’dan ekmek bahâsından yirmi yedi guruş, mezbûr Karaca’dan elli buçuk guruş hakkım olmağla taleb ederim deyü da‘vâ eyledikde mezbûrlar dahi ber-vech-i muharrer deynlerini olduğunu her biri ikrâr ve i‘tirâf etmeğin mûcebince meblağ-ı mezbûrun edâsına mezbûrân İstamo ve Karaca’dan her birine tenbîh olunduğu huzûr-ı âlîlerine i‘lâm olunduğu i‘lâm olundu. Bâkī emr men-lehu’l-emrindir. Fî 23 min-Zilhicce sene [1]143.