Bab Mahkemesi 151 Numaralı Sicil (H. 1143-1144 / M. 1731) cilt: 66, sayfa: 311 Hüküm no: 362 Orijinal metin no: [77b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Hürmüz’ün evine eklediği şehnişînin normal ölçülerine getirilmesi Ma‘rûz. Vârid olan fermân-ı âlîlerine imtisâlen kıbel-i şer‘den irsâl olunan Şemseddin Efendi dâ‘îleri Hâssa mi‘mârlarından Mehmed Halîfe ve diğer Mehmed Halîfe ile derûn-ı arzuhâlde mezkûr mahâll-i nizâ‘ın üzerine varıp cemm-i gafîr Müslimîn mahzarlarında akd-i meclis-i şer‘ ettikde sahib-i arzuhâl Toros meclis-i mezkûrda câr-ı mülâsıkı Hürmüz muvâcehesinde mezbûr Hürmüz kendi menzilinde müceddeden ihdâs eylediği şehnişîn tûlen altı zirâ‘ ve arzen nısf zirâ‘ fermân-ı âlî muhâlif idiğini mi‘mârân-ı mezbûrân ba‘de’l-ihbâr mezbûr Hürmüz imtisâlen li’l-emri’l-âlî mârrü’z-zikr tûlen altı zirâ‘ ve arzen nısf zirâ‘ı kat‘ ve def‘-i nizâ‘ ettiklerini mahâllinde tahrîr ve ma‘an ba‘s olunan ümenâ-i şer‘le meclis-i şer‘a gelip inhâ eyledikleri huzûr-ı âlîlerine i‘lâm olundu. Fî 20 Zilhicce sene [1]143.