Bab Mahkemesi 151 Numaralı Sicil (H. 1143-1144 / M. 1731) cilt: 66, sayfa: 312 Hüküm no: 363 Orijinal metin no: [77b-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Alacak davasında sulh olduğu Ma‘rûz. Sahib-i arzuhâl Mehmed Efendi hasmı İsmail Ağa ile derûn-ı arzuhâlde mezkûr beş yüz guruş da‘vâsından an-inkâr muslihûn tavassutuyla yüz guruş bedel-i makbûza sulh olup mâ‘adâya müte‘allika âmme-i da‘vâdan mezbûr İsmail Ağa ve İbrahim Ağa ve gāib ani’l-meclis Ahmed Ağa’yı ibrâ ve ıskāt eylediğinde mezbûr İsmail Ağa dahi bedel-i sulh-ı mezkûr yüz guruşa müte‘allika âmme-i da‘vâdan mezbûr Mehmed Efendi’yi ibrâ ve ıskāt birle kat‘-ı nizâ‘ ettikleri tescîl ve huzûr-ı âlîlerine i‘lâm olundu. Fî 29 Zilhicce sene [1]143.