Bab Mahkemesi 151 Numaralı Sicil (H. 1143-1144 / M. 1731) cilt: 66, sayfa: 313 Hüküm no: 366 Orijinal metin no: [77b-6] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Mısır tüccârı Petro’nun alacağı olduğu Ma‘rûz. Mısır tüccârından sahib-i arzuhâl Petro zimmî meclis-i şer‘de hasmı Mosi Karalar Yahûdî’yle bundan akdem Bâb Mahkemesi’nde terâfu‘larında otuz altı gün mukaddem yine mısır tüccârından Dimitri v. Canpeti v. Dimitri zimmetinde yedimden müşterâ ve makbûz pirinç bahâsından hakkım olan beş yüz kırk guruşu taleb üzere merkūm Dimitri mesfûr Yahûdî’yi da‘vet ve ihzâr ve meblağ-ı mezkûr beş yüz kırk bir guruşu taleb eylediğimde merkūm Yahûdî meblağ-ı mezbûr bende zimmetimdedir, benden al deyü lede’ş-şuhûd ikrâr ve işhâd etmekle taleb ederim deyü ba‘de’d-da‘vâ ve’l-inkâr müdde‘î-yi mezbûr müdde‘âsını yine mısır tüccârından el-Hâc Hasan b. Abdullah nâm kimesne ve Anastas v. Lazer ve Dimitri v. Todori ve Karabet v. Bedros ve Yani v. Mihal nâm zimmîler ile isbât edip şâhidûn-ı mezkûrûn ta‘dîl ve tezkiyeye kalmışidi. Fermân men-lehu’l-emr hazretlerinindir. Fî 29 Zilhicce sene [1]143.