Bab Mahkemesi 151 Numaralı Sicil (H. 1143-1144 / M. 1731) cilt: 66, sayfa: 314 Hüküm no: 368 Orijinal metin no: [78a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Marat’ın Nikola’ya teslim ettiği katırı geri aldığı Ma‘rûz. Sahib-i arzuhâl Marat nâm zimmî meclis-i şer‘de derûn-ı arzuhâlde mezkûrü’l-ism Nikola nâm zimmî muvâcehesinde târih-i i‘lâmdan yedi ay mukaddem İstanbul’da Büyük Karaman’da vâki‘ Voyvodahanı’nda bana bir menzil iştirâ ediver deyü işbu bir re’s katırımı mezbûra teslîm eylediğimde ol dahi ba‘de’l-kabûl merkūm Nikola bana menzil iştirâ etmemekle zikrolunan katırı taleb ederim deyü ba‘de’d-da‘vâ mezbûr Nikola zikrolunan katırı târih-i mezkûrda on üç guruşa bana bâtten bey‘ eyledi deyü def‘ ve def‘-i mezkûrunu beyâna kādir olmamağla müdde‘î-yi mesfûr bi’t-taleb tahlîf olundukda mûcebince zikrolunan katırı müdde‘î-yi merkūma def‘ ve teslîme mezbûr Nikola’ya tenbîh olunduğu huzûr-ı âlîlerine i‘lâm olundu. Fî 2 Muharrem sene [1]144.