Bab Mahkemesi 151 Numaralı Sicil (H. 1143-1144 / M. 1731) cilt: 66, sayfa: 314 Hüküm no: 370 Orijinal metin no: [78a-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. İsak’ın katili Yakuti’yi tanıyan kişilere, vârislerinin dava açamayacağı Ma‘rûz. Derûn-ı arzuhâlde mezkûr İsak nâm Yahûdî katîlin zevcesi kendi asâleten ve sulbî oğlu Aslan ve kızı İstebere? nâm sagīrlerin vasîleri olan sahib-i arz-ı hâl Ria nâm Yahûdî’ye meclis-i şer‘de Yako v. Yasef v. Sadak ve diğer Yako v. Kapon ve Roben v. Ellez nâm Yahûdiler muvâcehelerinde mûrisimiz mesfûr İsak’ı gāib ani’l-meclis Yakuti v. Avram Yahûdî bi-gayr-ı hakkın bıçak ile amden darb ve cerh ve katledip firâr etmekle mesfûrûn Yahûdiler’in gāib-i mezbûr mücerred ma‘lûmları olmağla kātil-i mezbûru merkūmûn Yahûdiler’den taleb ederim deyü tesâddî eylediği da‘vâsı meşrû‘ olmamağla merkūmûn Yahûdiler’e suâl teveccüh etmemeğin bî-vech mu‘ârazadan men‘ olunduğu mübâşirleri Ali Çavuş kulları iltimâsıyla huzûr-ı âlîlerine i‘lâm olundu. Fî 3 Muharrem sene [1]144.