Bab Mahkemesi 151 Numaralı Sicil (H. 1143-1144 / M. 1731) cilt: 66, sayfa: 315 Hüküm no: 371 Orijinal metin no: [78a-5] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Zador’un yaptığı binadan dolayı Yanaki’nin şikayetinin mimar ağaya havalesi Ma‘rûz. Sâdır olan fermân-ı âlîlerine imtisâlen taraf-ı şer‘den irsâl olunan kâtib dâ‘îleri Hâssa mi‘mârlarından Mehmed Halîfe ile mahalli nizâ‘ın üzerinde akd eylediği meclis-i şer‘de sahib-i arzuhâl Yanaki hasmı Zador nâm zimmî ile ba‘de’l-mürâfa‘a mesfûr Zador’u müceddeden binâ ve ihdâs eylediği ebniyenin mi‘mâr-ı mezbûr mesâhası üzere irtifâ‘ı on bir zirâ‘ ve ihdâs eylediği şehnişîn bir zirâ‘ ve dört parmak olduğunu kâtib dâ‘îleri mahâllinde ba‘de’t-tahrîr inhâ etmeğin husûs-ı mezbûr Mi‘mârağa kullarına müfevvaz olan umûrdan olduğu huzûr-ı âlîlerine i‘lâm olundu. Fî 30 Zilhicce sene [1]143.