Bab Mahkemesi 151 Numaralı Sicil (H. 1143-1144 / M. 1731) cilt: 66, sayfa: 316 Hüküm no: 374 Orijinal metin no: [78b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Yakubağa mahallesi ahalisinin şikayeti üzere mahalle imâmı Hasan Efendi’nin görevi terk etmesi Ma‘rûz. İstanbul’da Yakub Ağa mahallesi ahâlîsinden sahib-i arzuhâl İbrahim Ağa ile mahalle-i mezbûre sâkinlerinden yirmi nefer ma‘lûmü’l-esâmî kimesneler meclis-i şer‘de mahalle-i mezbûre imâmı el-Hâc Hasan Efendi mahzarında imâm-ı mezkûr kendi hâlinde olmayıp her bâr iyâlimize ta‘arruz etmekle kendiden istikrâh edip her vechile emniyet ve rahatımız olmayıp ve mukaddemâ nikâh ve cenâzemiz husûsunda bizi rencîde ve ta‘cîz etmekle bir def‘a dahi teşekkî eylediğimizde kıbel-i şer‘den kendiye i‘lâm olunmuşiken kanâ‘at etmemeğin imâm-ı mezbûrdan râzı ve hoşnûd değilleriz deyü her biri teşekkî eylediklerinde imâm-ı mezkûr cihet-i mezkûresini âhara kasr-ı yed etmek üzere ta‘ahhüd eylediği huzûr-ı âlîlerine i‘lâm olundu. Fî 6 Muharrem sene [1]144.