Bab Mahkemesi 151 Numaralı Sicil (H. 1143-1144 / M. 1731) cilt: 66, sayfa: 315 Hüküm no: 373 Orijinal metin no: [78b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Babalarından kalan değirmenin tasarrufu için Hasan’ın kardeşi İsmail’e açtığı davada İsmail’in men edildiği Ma‘rûz. Mustafa Çavuş mübâşeretiyle Mahkeme-i Bâb’a ihzâr olunan Hasan’ın hasmı karındaşı İsmail meclis-i şer‘de babamız müteveffâ Mahmud b. Hasan b. Abdullah’ın hayatında mülkü olan beynimizde ma‘lûm değirmen biz vesâir karındaşlarımıza ırsen intikāl etmiş iken on sehim i‘tibârıyla mezkûr değirmenden iki sehmini müstakillen bi-gayr-ı hakkın zabt ve tasarruf eder <> taleb ederim deyü da‘vâ ve mezbûr Hasan cevâbında babam müteveffâ-yı mezbûr yirmi sene mukaddem hâl-i hayatında zikrolunan değirmenden on sehim i‘tibârıyla iki sehmini bana hîbe ve temlîk ve teslîm ben dahi temellük ve tesellüm [ve] kabz ve kabûl etmişidim deyü da‘vâyı def‘ ve takrîrine muvâfık bir kıt‘a hüccet ibrâz edicek mezbûr İsmail inkâr etmeğin mezbûr Hasan müdde‘âsını karındaşı mezbûr İsmail muvâcehesinde şühûd-ı udûlle isbât etmeğin mûcebince mezbûr İsmail bî-vech mu‘ârazadan men‘ olunduğu huzûr-ı âlîlerine i‘lâm olundu. Bâkī emr men-lehu’l-emrindir. Fî 4 min-Muharrem sene 1144.