Bab Mahkemesi 151 Numaralı Sicil (H. 1143-1144 / M. 1731) cilt: 66, sayfa: 317 Hüküm no: 377 Orijinal metin no: [78b-5] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Sarrâflık yaparken ortaklıkları bozulan Bedros’un ortağı Gabriyel’e açtığı davanın reddi Ma‘rûz. Sahib-i arzuhâl Bedros meclis-i şer‘de hasmı Gabriyel muvâcehesinde mezbûr Gabriyel ile sarraflık san‘atıyla şerîkler olup târih-i i‘lâmdan altı ay mukaddem mezbûr Gabriyel ile fesh-i akd-i şirket eylediğimizde mezbûr Gabriyel ile hesâb görüp zimmetinde altmış bir guruş hakkım zuhûr etmekle meblağ-ı mezbûru taleb ederim deyü da‘vâ eyledikde ol dahi cevâbında ber-vech-i muharrer şerîkler olup beynlerinde hesâb gördüklerini meblağ-ı mezbûr altmış bir guruşa ve târih-i kitâba gelince sâir ahz u i‘tâya müte‘allika âmme-i da‘vâdan her birimiz âharın zimmetini ibrâ ve ıskāt etmişidik deyü da‘vâyı def‘ ve def‘-i mezkûrunu müdde‘î-yi mezbûr muvâcehesinde şühûd-ı udûlle isbât etmeğin mûcebince müdde‘î-yi mezbûr Bedros bî-vech mu‘ârazadan men‘ olunduğu huzûr-ı âlîlerine i‘lâm olundu. Fî 5 Muharrem sene [1]144.