Bab Mahkemesi 151 Numaralı Sicil (H. 1143-1144 / M. 1731) cilt: 66, sayfa: 317 Hüküm no: 378 Orijinal metin no: [78b-6] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Çemişkezek’in Hezârî ve Sağnak köyleri arasındaki Akgöl mezraası davasının görülmediği Ma‘rûz. Anadolu’da Çemişkezek kazâsına tâbi‘ Hezârî nâm karye ahâlîsinden ashâb-ı arzuhâl Asador ve Bogos ve Takır ve Kiragos ve diğer Asador ve Parnik nâm zimmîlerin yine kazâ-i mezbûra tâbi‘ derûn-ı arzuhâlde mezkûr Sağnak nâm karye ahâlîsinden Hüseyin ve Ahmed ve Halil ve Ömer ve Hasan nâm kimesnelerden arzuhâlde mezkûr iddi‘â eyledikleri Akgöl mezrâ‘ası arâzisinin sipâhisi dahi mevcûd olmamağla müdde‘îyûn-ı mesfûrûnun yedlerinde olan emr-i âlî mûcebince karye-i mezbûre ahâlîsi ile ma‘den emîni mübâşeretiyle mahâllinde mürâfa‘aya havâle olunmağla da‘vâları istimâ‘ olunmadığı huzûr-ı âlîlerine i‘lâm olundu. Bâkī fermân men-lehu’l-emrindir. Fî 7 min-Muharrem sene [1]144.