Bab Mahkemesi 151 Numaralı Sicil (H. 1143-1144 / M. 1731) cilt: 66, sayfa: 320 Hüküm no: 385 Orijinal metin no: [79b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Koca Mehmed Paşa vakfına mütevellî kaymakamı olan Ali’nin tevliyetine Ömer Efendi’nin engel olmaması Ma‘rûz. Derûn-ı arzuhâlde mezkûr merhûm Koca Mehmed Paşa vakfına kāimmakām-ı mütevellî olan sahib-i arzuhâl Ali meclis-i şer‘de tevliyet-i mezkûreyi zabt ve tasarruf için kıbel-i şer‘den i‘lâm birle yedine ihsân buyrulan emr-i âlî mazmûnuna muhâlif gāib ani’l-meclis Serdengeçdi Ağası Tırmıkçı el-Hâc Ali ve işbu Ömer Efendi atîk emr-i âlî sûreti ihrâc ve tecdîd ve mahâlline irsâl edip gadr murâd etmişlerdir deyü teşekkî ve mezbûr Ömer Efendi inkâr etmeğin min-ba‘d bu makūle umûra kat‘a tesâddî ve müdâhale etmemek üzere mezbûr Ömer Efendi ba‘de’t-tenbîh mezbûr Ali ihrâc ve tecdîd olunan fermân-ı âlînin mahalli terkīn ve derkenârlı arzuhâli Anadolu Kalemi’nde zabtolunmak bâbında emr-i âlî iltimâs mezbûr Ömer Efendi ile da‘vâ ve nizâ‘ım yokdur dediği tescîl ve huzûr-ı âlîlerine i‘lâm olundu. Fî 9 Muharrem sene [1]144.