Bab Mahkemesi 151 Numaralı Sicil (H. 1143-1144 / M. 1731) cilt: 66, sayfa: 320 Hüküm no: 384 Orijinal metin no: [79a-5] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Mustafa’nın Uçhisar nâhiyesinin Karaöyük mezrasında olan hissesini tasarrufa Seyyid Salih’in engel olmaması Ma‘rûz. Sahib-i arzuhâl Mustafa hasmı es-Seyyid Salih ile Bâb Mahkemesi’nde bi’t-terâzî terâfu‘larında müdde‘î-yi mezbûrun Anadolu’da Niğde Sancağı’nda Uçhisar nâhiyesinde vâki‘ Karaöyük mezrâ‘ası dört hisse i‘tibârıyla bir hissesine bâ-berât-ı âlîşân mutasarrıf iken mezbûr es-Seyyid Salih’in hisse-i mezkûrede alâka ve medhali yoğiken bi-gayr-ı hakkın zabtıma mâni‘ olur suâl olunup kasr-ı yedine tenbîh olunmak murâdımdır deyü da‘vâ ettikde ol dahi cevâbında fi’l-hakīka müdde‘î-yi mezbûrun takrîr-i meşrûhu üzere hisse-i mezkûrede kat‘a alâka ve medhali olmadığını ikrâr ve i‘tirâf etmeğin mûcebince zikrolunan Karaöyük mezrâ‘asının rub‘ hissesine müdâhale etmemek üzere emr-i âlî iltimâs eylediği huzûr-ı âlîlerine i‘lâm olundu. Fî 7 min-Muharrem sene [1]144.