Bab Mahkemesi 151 Numaralı Sicil (H. 1143-1144 / M. 1731) cilt: 66, sayfa: 321 Hüküm no: 387 Orijinal metin no: [79b-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Derviş Ahmed ile Kasab Ebûbekir Ağa arasında koyun eti parası davasının sulhla sonuçlandığı Ma‘rûz. Mumcu Ahmed Beşe kulları mübâşeretiyle Bâb Mahkemesi’ne ihzâr olunan Derviş Ahmed’den Kasab Ebûbekir Ağa meclis-i şer‘de bundan akdem yedinde müşterâ ve makbûz lahm-ı ganem bahâsından ikrârı üzere hakkı olan elli sekiz bin beş yüz akçeden on buçuk ayda müctemi‘ on sekiz bin dokuz yüz akçe ücreti ihrâc olundukdan sonra bâkī kalan otuz dokuz bin altı yüz akçe hakkını taleb ve da‘vâ ve ba‘de’l-münâza‘a vesâtet-i muslihûn ile mezbûr Ebûbekir Ağa da‘vâ-yı mezkûresinden on beş bin akçe bedel-i makbûza sulh ve mâ‘adâya müte‘allika âmme-i da‘vâdan mezbûr Derviş Ahmed’i ibrâ ve ıskāt eyledikde ol dahi târih-i kitâba gelince âmme-i da‘vâdan mezbûr Ebûbekir Ağa’yı ibrâ ve ıskāt edip kat‘-ı nizâ‘ ettikleri huzûr-ı âlîlerine i‘lâm olundu. Fî 10 Muharrem sene [1]144.