Bab Mahkemesi 151 Numaralı Sicil (H. 1143-1144 / M. 1731) cilt: 66, sayfa: 321 Hüküm no: 388 Orijinal metin no: [79b-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Uluborlu’da Fakih Paşa zâviyesi tevliyetine haksız müdâhalenin men‘i Ma‘rûz. Sahib-i arzuhâl Mehmed’in mübâşir kullarıyla Bâb Mahkemesi’ne ihzâr eylediği hasmı Mustafa’dan vilâyet-i Anadolu’da Uluborlu kazâsında vâki‘ Fakih Paşa zâviyesinin tevliyet ve gallesi evlâdına ve evlâd-ı evlâdına meşrûta olup ben evlâd-ı evlâddan olup şart-ı vâkıf üzere tevliyet ve galle benim iken hilâf-ı şart-ı vâkıf zâviye-i merkūmenin tevliyet ve gallesini üzerine berat ettirmekle bana gadr etmişdir deyü da‘vâ ve nesebini vâkıf-ı mûmâ-ileyhe îsâle kādir olmayıp tashîh eylememekle bî-vech mu‘ârazadan men‘ olunduğu huzûr-ı âlîlerine i‘lâm olundu. Fî 9 Muharrem sene [1]144.